Vawiin khan DRDA Conference Hall, New Secretariat Complex-ah Aizawl District huamchhung viltu District Level Vigilance and Monitoring Committee chu an Chairman Lok Sabha MP Pu CL Ruala hovin an thukhawm.

Meeting-ah hian Aizawl District huam chhunga sorkar laipui Rural Development Scheme hrang hrang hnathawh dan te sawiho a ni a. Heng sheme - Mahatma Gandhi National Rural Employment Guarantee Scheme (MGNREGS), Indira Awaas Yojana (IAY), Integrated Watershed Management Programme (IWMP), PWD Department hnuaia Pradhan Mantri Gram Sadak Yojana (PMGSY), PHED hnuaia National Rural Drinking Water Programme (NRDWP), Total Sanitation Campaign (TSC), Social Welfare Department hnuaia National Social Assistance Programme (NSAP) leh Power & Electricity Department hnuaia Rajiv Gandhi Gram Viyatikaran Yojana (RGGVY) te hna kalpui dan thlirho niin,  Scheme kalpuitu Department hrang hrang aiawh ten an hmalak dan report an pe a ni.

MGNREGS, ni za inhlawhna hnuaiah hian kum 2013-2014 chhung atan September ni 30, 2013 thleng khan Aizawl District huam chhungah Job Card holder chhungkaw 25,896 an awm tawh a. IAY, mirethei insakna hnuaiah hian block panga huam chhungah in 204 sak a ni tawh bawk.

Meeting-ah hian Committee Co-Chairman Pu Lalhmingliana, Rajya Sabha MP, Pu Lalduhoma, MLA, Project Director DRDA leh Line Department PWD, PHE, Social Welfare, P&E aiawh te an tel a ni.