Vawiin khan DC Conference Hall Mamit-ah Central sorkar sum hmanga hnathawh te enfel tu, Distict Level Vigilance & Monitoring Committee an thukhawm. He thukhawmna hi an Chairman Pu C.L. Ruala, MP (LS) in kaihruaiin Pu Lalhmingliana, MP(RS) Co-Chairman, Pu V.L. Robiaka, MLA Chairman ZIDCO leh Pu Lalrinmawia Ralte, Parliamentary Secretary te pawhin an hmanpui a ni.

Pu C.L. Ruala Chairman District Level Vigilance & Monitoring Committee chuan thu sawiin hetiang thutkhawmna kan neih thin hi hlawk taka kan hman a tul a ni tiin hei hian a tum ber chu sorkar sum (public money) mipuiten a tangkai thei ang berin kan hmang em tih enfiah a nih thu a sawi a. Chairman chuan kan hman tur dan ah felhlel te a lo awm pawhin a tha zawng a hman dan ngaihtuah hi Committee thil tum pawimawh tak a ni a ti bawk. Material Component hman dan sawiin khawtlang tana chhenfakawm siam nan a hman ni thei se, NREGS kawng laih ringawt ni lovin siam belh nan te, mi harsa zual ten huan thlai an chin tih changtlun zawk nan te a hman ni thei se a duh thu a sawi bawk.

Pu Lalhmingliana, MP (Rajya Sabha) Co-Chairman pawhin thu sawiin he scheme hrang hrang hmanga hna thawhna ah hian Guide Line pel lova hnathawh ni thei se a duh thu a sawi. He thutkhawmna ah hian CSS hnuaia hmalak chi hrang hrang MGNREGS, IAY, SGSY, IWMP, IWDP, PMGSY, TSC, ARWSP leh NSAP te hmalakna te leh hmachhawp chipchiar takin thlirho a ni a. IWMP hnuaia hma lakna a lo hlawhtling zawk theih nan Programme Implementing Agencies (PIA) ten a hmun ah an enfiah hnuah DPR siam a hnathawh ni tawh se tih te sawi hona ah hian sawilang a ni bawk.

A tlangpuiin hnathawh te chu committee chuan a tha thawkhat tiin tun aia uluk zawka hnathawh te vil ngun turin PIA te ngen an ni bawk. He District Level Vigi committee ah hian member te an kal tha hle a ni.