2720/2024-2025

Dated 28th October, 2024 : Mizote hian favang leh thlasiklai hi ramvah, sapel leh sava veh huna kan neih a ni a. Heng hunah hian kan rama sava, ramsa leh sava pem chi te nasa taka suat an ni thin a.

Heng zingah hian khawchhak ram thlasik tlansana, South Africa ram an pan hmaa Mizorama lo chawl lailäwk thin Sialsir (Amur Falcon Falco Amurensis) te pawh an tel fo a ni. Heng Sialsir (Amur Falcon Falco Amurensis) te, sava dang leh nungcha dangte, kan ram chhunga thlamuang taka an awm theih nan thupek chhuah tulin a hria a.

Chuvangin Er. Lalhriatpuia, MCS, District Magistrate, Aizawl District hian BNSS Section 163 (1) in thuneihna a pek angin, Aizawl District huam chhunga  mipuite zawm turin a hnuaia mi ang hian thupek a a chhuah e;

"OCTOBER-NOVEMBER, 2024 THLA CHHUNG HIAN MI TUMAHIN SAIRAWKHERH, SILAI LEH AIR RIFLE LEH HMANRAW DANGIN SAVA LEH NUNGCHA DANGTE AN VEHIN AN PÊL TUR A NI LO" 

He thupek hian puan a nih atanga thla hnih (2 months) chhung a huam  ang a, thupek zäwm lo te chu BNS Section 223 hmangin hrem an ni ang.

He thupek hi tahrik ni 23^rd October, 2024 khan District Magistrate Seal a nemnghetin hming a ziah hnan a ni.