No.6415/2020-2021
Dated Aizawl the 30th October, 2020: District AH & Vety Officer, Aizawl District hnen atanga thu kan dawn angin tunah hian Mizoramah vawk natna hri Classical Swine Fever (CSF) leh Porcine Reproductive and Respiratory Syndrome (PRRS) te a leng mek a. Hri hlauhawm tak, a vei za-a-za (100%) an thihna African Swine Fever (ASF) chu thenawm State, Assam, Arunachal Pradesh leh thenawm ram Myanmar-ah a leng mek zel tih hriat a ni a. Aizawl District mipuite he hri laka kan fihlim theih nan Section 144 CrPC hmanga khapna thupek chhuah a ngai a.
Chuvangin, Pu R. Lalramnghaka, District Magistrate, Aizawl District, Aizawl chuan Section 144 of CrPC 1973 in thuneihna a pek angin hetiang hian thupek a chhuah;
1) Ram dang leh State dang atangin vawk leh vawksa atanga siam thil eng pawh lak luh khap tlat a ni.
2) State pawn atanga vawk la lut duh chuan AH & Vety Department phalna an la hmasa phawt tur a ni.
3) Vawk dam lo reng reng chu talh emaw a thi emaw a nihin a sa chu ser emaw rep emaw thil danga siam danglam leh hralh khap tlat a ni.
4) Vawk dam lo thi ruang chu a neituin khur thuk taka laihah a phum ngei tur a ni a, hmun danga thehthang khap tlat a ni.
He thupek hian, tihtawi a nih loh chuan, puan a nih atanga thla hnih chhung a huam ang. He thupek zawm lo chu Indian Penal Code, 1860, Section 188 hnuaiah hrem theih a ni ang.
