4229/2023-2024
Aizawl, 18.03.2024: General Election to Lok Sabha, 2024 neih hun tur Election Commission of India (ECI) in a puang tawh angin vote thlak ni atan dt. 19.04.2024 ruat a ni a; vote te chu dt. 04.06.2024 ah chhiar a ni dawn a. Hemi hun chhunga boruak muanawm tak hnuaia vote thlak leh tluang taka vote chhiar a nih theih nan District Magistrate, Aizawl DC Pi Nazuk Kumar chuan a hnuai ami ang hian khapna thupek (dt.16.3.2024) a chhuah a ni:
"Kei, Nazuk Kumar, IAS, District Magistrate, Aizawl District, hian Section 144, Cr.P.C., 1973 in thuneihna min pêk angin, Lok Sabha Inthlanpui neih chhung hian Aizawl District ah mi tumahin phalna nei lovin silai an chelek in an keng chhuak tur a ni lo.
"He thupek hian chhuah a nih atanga thla hnih (2 months) chhung a huam anga, thupek bawhchhia an awm a nih chuan Section 188 IPC hmangin an chungah hremna lek a ni ang."
