No.4005/2020-2021

Dated Serchhip, the 11th August, 2020: Pu Kumar Abhishek, IAS, District Magistrate chuan kan hma lawka Village Council inthlanna lo awm turah Serchhip District mipuite kan him zawk nan a hnuaia mi ang hian thupek a chhuah.

Disaster Management & Rehabilitation Department, Government of Mizoram Order No. B. 13021/101/2020-DMR/Pt-III Dt. 13.07.2020 hmanga COVID-19 leng kara mipuite himna tur kaihhruina a siam (SOP) chu Dt.31.08.2020 thleng hman tur a ni a. Hetih lai hian India ram Democracy innghahna lungphum zinga pawimawh tak pakhat, Village Council Inthlanpui pawh hripui (COVID-19) vanga a hun takah neih theih a nih tawh loh hnuah, hripui ti darh lo leh inkaichhawng lo tura fimkhur tak chunga Inthlanpui nei turin No. B.12011/1/2019-SEC/VC/-Vol-II Dt. 05.08.2020 hmangin State Election Commission chuan Inthlan a puang a. Tin, No. B.14015/1/2020-SEC/LC/39 Dt. 05. 08.2020 hmangin inkaihhruaina dan a siam bawk a ni.

Village Council Inthlanpui him taka neih a nih theih nan leh Serchhip District mipuite nunna, hriselna leh sahimna ngaihtuahin khapna thupek chhuah hi tih loh theih loh, tul ngei niin ka hria a.

Chuvangin kei KUMAR ABHISHEK, IAS, District Magistrate, Serchhip District chuan “Section 144 of Cr.PC 1973” in thuneihna min pek angin hetiang hian thupek ka chhuah e:

1. SERCHHIP DISTRICT huam chhungah, phalna neilovin vangtlang hmunah vawikhatah mihring 5 (panga) aia tam punkhawm khap tlat a ni.
2. SERCHHIP DISTRICT huam chhungah, Zan Dar 8:30 PM leh Zinglam 4:30 AM inkarah pawn chhuah khap tlat a ni.
3. Inthlan ni ah Polling Station leh a chhehvel ah engtiklai pawhin physical Distancing (6 feet) zawm reng tur a ni a, vote thlak tur mi 50 aia tam punkhawm loh tur a ni.

He thupek hian Magistrate, Police, Excise & Narcotics duty, Hospital & Medical Emergency, Centre/State Government/ District Magistrate-in phalna a pek bikte leh COVID-19 chungchanga duty-te a huam lo ang.

Sl. No. 2 a khuahkhirhna hian VC Election, 2020 dan in vote chhiarnaa tel tura a phal chin te a huam lovang.

He thupek hian District Magistrate, Serchhip Order hmasa J. 12017/2/2020-DC(SRCP)/411 Dt.01.08.2020 chu a thlak (supercede) ang a, thu leh awm hma chu chhuah a nih atanga VC Election process chhung Dt.07.09.2020 thleng a huam ang.

He thupek hi Vawiin Dated 10th August, 2020 hian District Magistrate Seal chhua nemnghetin ka hming ka ziah hnan e.