No.4673/2020-2021

Vairengte leh Bairabi check-gate atanga Mizoram rawn lut tur driver, handyman leh passenger te chuan a hnuaia tarlan hi an zawm ngei ngei tur a ni :-

1. Passenger lo lut tur reng reng chu entry point-ah, screening neih tur a ni a, quarantine-na tur hmun ruat an pan tur a ni. Quarantine-na hmunah RT-PCT test tur sample lak a ni ang.

2. Driver leh handyman, a chunga tarlan check-gate kaltlang turte chuan Covid-19 Rapid Antigen Test (RAT) an nei thin ang a, he test-a negative te chauh check-gate kaltlang tir phal an ni ang. Positive an awm erawh chuan Covid Care Centre-a enkawl tura thawn thin an ni ang.

3. Driver leh handyman, Covid-19 positive, mahni State-a inenkawl duh (Assam State bik) an awm chuan SDO(C), Vairengte emaw SDC, Bairabi emaw hnenah ziakin inenkawl an duh thu an thlen ang a, anni hian an hawna tur District Magistrate-te nen inbe rawnin thawnlet dan tur an ngaihtuah thin ang.

4. Driver leh handyman zawng zawng Covid-19 test vek tur a ni a. An zingah Covid-19 positive enkawl dam tawh an awm chuan, Mizoram chhunga enkawl dam ngei an ni tih finfiahna certificate check-gate ah phawrhin test nawn a ngai tawh lo ang.