No.7627/2020-2021
District Magistrate Lunglei chuan hetiang hian thupek a chhuah.
The Mizoram (Prevention and Control of Fire in the Village Ram) Rules, 2001 chuan thing leh mau, ramngaw tichereu zawnga ram ngaw leh huan/lo/ram halt e hi a khap tlat a. Kangmei laka kan him theih nan leh awmze neia lo halte pawh kalpui a nih theih nan Mizoram sorkar chuan lo hal hun atan March 15, 2021 thleng hun a ruat a. Hetianga hmalak a nih lai hian kangmei chhuak avanga harsatna tam tak kan tawh te, mihring nunna hial kan chan te hre rengin leh Lunglei District kangmei hlauhawm avanga kan him theih nan thupek chhuah a tul a.
Chuvangin, kei, V.LALSANGLIANA, District Magistrate, Lunglei District hian Sec. 144, Cr.P.C. 1973 in thuneihna min pek angin a hnuaia thupek hi ka chhuah e.
1. Mihring nunna tiderthawng leh bungrua tichhe zawng leh vantlang pawi sawi zawnga thil engpawh hal te, mei chhem leh mei timit lova kalsan te khap tlat a ni.
2. Lo, Leipui leh Huan hal tur ten meilam tha takin an sial tur a ni a, hmun dang kang kai lo turin an vah chin bak an tikang tur a ni lo.
He thupek hian Lunglei District ah thupek tihchhuah ni atanga thla 2 (hnih) chhung a huam ang.
He thupek zawm lo chu IPC Sec 188 hmanga hrem theih a ni ang.
