No.3950/2021-2022
Dated Aizawl, the 9th February, 2022: Pu Kulothungan A, IAS, District Magistrate, Lunglei District chuan hetiang hian thupek a chhuah. Khua a lo thalin mitinte kangmei lakah kan fimkhur a ngai hle a. Mihring, in leh bungrua, ramngaw leh nungchate kan him tlan nan khapna thupek chhuah hi a tulin ka hria a.
Chuvangin, Kei, Kulothungan A, IAS, District Magistrate, Lunglei District, Mizoram chuan, Section 144 CrPC, 1973 (2 of 1974) in thuneihna min pek hmangin a hnuaia mi ang hian khapna thupek ka chhuah e :
1. Mi tumahin March ni 15, 2022 hnu lamah lo/huan leh leipui an hal tur a ni lo.
2. Mi tumahin meilam tha tawk tak sial hmasa lo chuan lo/huan leh leipui an hal tur a ni lo.
3. Mi tumahin ramhnuaia an meichhem timit lovin an kalsan tur a ni lo.
4. Khawi khua pawh an ramchhunga March ni 15, 2022 hnu lama lo/huan leh leipui hal an awm a, an report loh chuan an chungah action lak a ni ang.
He thupek hian Dt. 9th February, 2022 atanga thu leh awm hma chu hman a nih atanga thla 2 (hnih) chhung a huam ang a. He thupek zawm lote chu Sec. 188 of I.P.C. hmanga hrem theih an ni ang.
