2913/2025-2026 

Lawngtlai, the 14th, January, 2026 : Vawiin chawhma dar 11:00 AM khan Pu Donny Lalruatsanga, District Bawrhsap leh Chairman "District Monitoring Committee for Handholding (Bana Kaih) Scheme" Lawngtlai District ni bawk kaihhruaiin a Office Chamber-ah 'review meeting' neih a ni.

Pu Donny Lalruatsanga kalkhawmte hnenah lawmthu a sawi a. Bana Kaih - Phase- II kalpui tan a ni a, phase- I a hmalakna tlangpui thlirletna neih a pawimawh hle a ti a. Mizoram sawrkar ngaihpawimawh lian tak a nih angin theihtawp chhuah zel a tul hle tiin, phase - II , tihlawhtling turin Line Department - te tha hnem ngai taka thawka, ruahmnna tha tak siam tur leh an department chan trade te puanzar leh hrilhhriat tha turin a chah a. A bik takin, Bank lam an pawimawh hle tih tarlangin; Bana Kaih innghahna lian tak an ni tiin, theihtawp chhuah pui turin a ngen a.Bawrhsap chuan District Monitoring Committee Members -te chu an mawhphurhna a chiang tur leh hlawhtling taka Bana Kaih phase- II kalpui a nih theih nan a theihtawp chhuah chhunzawm zel turin a chah a.Pu Donny Lalruatsanga chuan Bana Kaih hnuaia Progress Partners - te zingah chinchang hre lo pawh an awm thei a, tha taka lo tanpui a, hrilhfiah ngaite lo hrilhfiah thin turin Line Department - te a chah nghal bawk.

Thutkhawmah hian Bana Kaih Phase- I kalpui dan tlangpui thlirletna neih a ni a. Phase-II hmalak dan tur thlirhona neih a ni bawk.

Progress Partners - te hmalakna chu a hmunah ngei kal a vil thin nise, hlawhtlinna changtute pawh mipuite hmuh theih tura tarlan thin ni se tih a ni. Bana Kaih hnuaia Line department- te chuan theihtawp chhuah chhunzawm zel se tiin an rel bawk.

Vawiin 'Lawngtlai District Monitoring Committee for Bana Kaih' thutkhawmah hian Member- te an tel kim tha hle a. Pu Donny Lalruatsanga , Chairman, Lawngtlai District Monitoring Committee for Bana Kaih, chuan lawmthu sawina neiin hun a khar.