1725/2025-2026
Siaha the 19th August 2025: Vehicle Location Tracking Device (VLTDs) vuah vek tura hriattirna.
Mizoram Sawrkara Transport Directorate thuchhuak angin District Transport Office, Siaha chuan lirthei neituten an zawm theuh atan a hnuai tarlan ang hian hriattirna a chhuah.
Mipui phur lirthei (Taxi, bus, sumo, maxi cabs etc) te bakah commercial vehicle zawng zawng chuan an lirthei-ah Vehicle Location Tracking Device (VLTD) an vuah vek tur a ni.
Lirthei registration tih hunah emaw Fitness certificate lak dawn hunah emaw MVI in VLTD chu lirthei tinin an vuah em tih a enfiah zel tawh dawn a, Lirthei neitute leh khalhtute chu registration tih hunah emaw, permit renewal leh fitness certificate lam dawn hunah harsatna an tawh lohna turin a rang lama he thuchhuak hi zawma bawhzui theuh tura hriattir an ni.
