Vawiin khan cheng nuai 36 leh sing 5 senga sak, DLAO, LAD Office building thar Champhai Kahrawt veng a mi chu Pu RS Lalzamliana MCS, Director, LAD Mizoram chuan a hawng.

Pu RS Lalzamliana chuan   Office thar leh tha tak a chhunga thawkte dawr nuam  si lo chuan  awmzia a nei lo a ni, a ti a. LAD Office thara thawkte chu Champhai District mipuite tana dawr nuam tak ni  turin a chah a, anmahni dawr tura lo kal te reng reng chu tha taka lo dawngsawng  a, zaidam taka lo dawr thin  turin a fuih a. Thingtlang khua tihchangkan zel tum anih thu leh thingtlang atanga khawpuia pem chhuah hi bansan a nih theihna tura hma an lak mek te a tarlang a ni. Office dawr nuam an nih phawt chuan Building thar hian awmzia a nei dawn a ni tiin, dawr tawh tute tana dawr nawn leh chakawm khawp a Office dawr nuam ni turin DLAO Office thar hi a hawng a ni.

He hun hi Pu K. Lalhmuakliana, MCS, DLAO, LAD Champhai kaihhruaina a neih niin, Pu RC Lalzarzova, JE chuan technical report pe a. LAD Office building thar hi cheng nuai 36 leh sing 5 senga sak  niin, a dung metre 15.3 leh avang metre 8.10 a zau a sak a ni a. Building sak hna hi August ni 3, 2017 ah tan ni a, a chhungah hian DLAO Room, Technical Room, Cashier Room leh Staff Room bakah Toilet 3 te dah a ni. LAD Director hian tukin zing khan   cheng nuai 40 senga sak VC Rest House, New Champhai ami chu  a lo hawng tawh bawk a ni.