Election Commission of India (ECI) remruatna angin vawiin chawhma dar 11:00 khan Special Summary Revision of Electoral Rolls, Aizawl District Level Standing Committee (DLSC) chu an Chairman Pu Franklin Laltinkhuma, Aizawl District Bawrhsap (D.C) leh District Election Officer, Aizawl District nibawk hovin a Office-ah meeting an nei.

Pu Franklin-a chuan Election kan zo chiaha, boruak a la reh hma in DLSC Meeting koh a ngaih chhan chu, hun reilote ah Member of Parliament (Lokh Sabha) thlan a nih leh mai dawn avangin, Rolls Revision hi a pawimawh vang a ni tih a sawi a ni.

Pi Lalchhandami, Aizawl District Election Officer chuan, kalkhawmte hnenah Electoral Rolls-ah thunbelh leh paih ngai ang chi report tur nei chuan 16.12.2013 - 31.12.2013 thleng thehluh theih a nih thu leh ni 10.1.2014-ah endik fel vek a nih tur thu a sawi. Final Publication of Electoral Rolls chu 21.1.2014-ah peihfel tur a ni, a ti bawk.

Kum danga tih thin angin hearing ERO/AERO ten an nei leh dawn a, hearing hi ni 6.1.2014 atangin an nei tan dawn a ni.

Revision Programme neih hun lai hi Krismas leh Kumthar vuakvet lai a nih vangin mipuiin an ngaihsak thatloh palh loh nan vengtin-ah puanzar that  a tul tih an sawiho bawk a ni.