No.2477/2020-2020

District Level Task Force on Covid-19 (DLTF) Champhai chuan Covid-19 hripui leng laka hma a lak tan atanga tun thlengin mi thil phal tak takte hnen atangin tanpuina a dawn chhunzawm zel a, tun thlenga mimal, pawl, kohhran, Sawrkar Pisa leh a dangte atanga tanpuina sumfai hmuh tawh zawng zawng zat chu Rs 6,95,100/- a ni. Heng bakah hian sumfai nilo thlai, thei leh hmanraw hrang hrangte a dawng bawk a ni.

Vawiin chawhma khan Mizoram Ex-Servicemen League, Sub-Headquarters Champhai chuan Covid-19 hripui dona atan Rs. 10,000/- District Level Task Force on Covid-19 (DLTF) hnenah an hlana, Pu Lalnunfela Chawngthu, SDO Sadar in a lo dawng a ni. Vawiin vek khan Indo-Myanmar Border Trade behchhan sumdawng hrang hrang; EXIM, CIETU leh SYNDICATE atangin Covid-19 dona atan District Level Task Force on Covid-19 (DLTF) chuan tanpuina Rs 1,00,000/- (Cheng nuai khat) an pe bawk a, DLTF Chairman & Bawrhsap Pi Maria C.T Zuali'n tanpuina hi a lo dawng a ni. Mi inphal leh tanpui duhna thinlung pua rawn penchhuakte chungah DLTF Champhai chuan thinlung takin lawmthu a sawi a ni.