Nimin khan Disaster Management and Rehabilitation Minister Pu N.K. Chakma hoin Parliamentary Secretary Pu Lalrinmawia Ralte, Govt. Deputy Chief Whip Pu R.L. Pianmawia leh DM&R Director Pu V. Sapchhunga ten Mamit Bazar veng a lei tlahniam an tlawh a. Mamit DC Pu Zothankhuma kaihhruaiin khawtlang hruaitute, tlawmngai pawl te leh in leh lo chante nen nizan vek khan I&PR Meeting Hall-ah an thukhawm nghal.
DM&R Minister chuan harsatna tawkte hnenah Mizoram Sorkar in a tawrhpui thu sawiin tanpui dan tur kawng ngaihtuah sak an nih tur thu a sawi a. Vanduaina tawk zingah puitling 119 leh naupang 49 an awm a, Calamity Relief Fund Norms in a sawi angin puitling pakhat tan nitin cheng 20 leh naupang pakhat tan cheng 15 zel hisapin chawlhkar hnih chhung tanpuina pek nghal an nih tur thu a sawi a ni.
Parliamentary Secretary Pu Lalrinmawia Ralte pawhin khawtlang hruaitute, tlawmngai pawl te, official te leh mipui tanrualna chu fakawm a tih thu a sawi a. Govt. Deputy Chief Whip Pu R.L. Pianmawia chuan harsatna tawkte sorkar in ngaihthah lova a tawrhpui thu a sawi bawk.
Mamit Bazar veng lei tlakhniamna hmun hi kum 1994 khan thlanmual bul a Tuihnai Kawr atangin zawi zawi in a che tan a. August ni 6, 2010 khan in panga thiah a ni a, September 21, 2010 khan nasa takin a che leh a, ni 22 September ah khawtlang huap hnatlang koh niin mi 2000 chuang zet an thawk chhuak a ni. Lei tlahniam hi Meter 300 bial vel niin chhungkaw 83 lai chenna hmun a ni a. In tam zawk thiah leh rauhsan niin chenna nei lote hi mi inah leh V.C Hall, Anganwadi Centre ah te a remchan dan anga semdarh an ni.
Minister hian hnatlang te thingpui in nan cheng 5000 a pe a. Rawpui leh Mamit inkar a lei tawlhin darkar 3 lai a dan hnuin vawiin khan Aizawl tluang takin an lo thleng a ni.
Parliamentary Secretary Pu Lalrinmawia Ralte pawhin khawtlang hruaitute, tlawmngai pawl te, official te leh mipui tanrualna chu fakawm a tih thu a sawi a. Govt. Deputy Chief Whip Pu R.L. Pianmawia chuan harsatna tawkte sorkar in ngaihthah lova a tawrhpui thu a sawi bawk.
Mamit Bazar veng lei tlakhniamna hmun hi kum 1994 khan thlanmual bul a Tuihnai Kawr atangin zawi zawi in a che tan a. August ni 6, 2010 khan in panga thiah a ni a, September 21, 2010 khan nasa takin a che leh a, ni 22 September ah khawtlang huap hnatlang koh niin mi 2000 chuang zet an thawk chhuak a ni. Lei tlahniam hi Meter 300 bial vel niin chhungkaw 83 lai chenna hmun a ni a. In tam zawk thiah leh rauhsan niin chenna nei lote hi mi inah leh V.C Hall, Anganwadi Centre ah te a remchan dan anga semdarh an ni.
Minister hian hnatlang te thingpui in nan cheng 5000 a pe a. Rawpui leh Mamit inkar a lei tawlhin darkar 3 lai a dan hnuin vawiin khan Aizawl tluang takin an lo thleng a ni.
