1468/2026-2027

Dated Aizawl, the 21st July 2026: Vawiin khan DM&R Minister Prof.Lalnilawma pisaah Central Sawrkar in 16th Finance Commission hnuaia khuarel chhiatna kaihhnawih a North East State te tan a Fund an pek chungchangah Video Conferencing hmangin, hmalak ho dan tur ngaihtuah a ni. Minister hi DM&R official te'n an tawiawm a ni.

Tun hnai khan Mizoram Chief Minister Pu Lalduhoma hova State Disaster Management Authority (SDMA) thutkhawmah 16th Finance Commission kaltlanga khuarel chhiatna chungchang a DM&R Dept in Fund a dawn tur chungchang hi tarlan a lo ni tawh a. Hetah hian North East State dangte berawn in , a huhova hmalak dan kawng zawn nise tih a ni.

State tin ten khuarel chhiatna chungchang a DM&R Fund 16th Finance Commission in an chan tur a chhut dan tehfung an rawn hman hi North East State te’n khuarel chhiatna an tawh thin ang te , a ram mil ang leh mamawh dan ang mil a chhut ani lo anga hriatna leh an chan tur leh hmuh tur ang Fund an hmu pha lova hriatna a awm a, hei hi North East state te’n a huhova Central Sawrkar lamah thlen ni se tih a nih avangin he meeting hi neih a ni.

DM&R Minister Prof.Lalnilawma chuan thu sawiin, Hmarchhak state-te hian khuarel chhiatna avangin harsatna hrang hrang kan tuar nasa thin a ti a. Heng harsatnate sutkian nan leh DM&R lamah tun aia tha zawk leh rang zawka hma kan lak zel theih nan 16th Finance Commission kaltlang a DM&R tan kan fund hmuh dan chungchangah hmarchhak state-te kan tanrual a, sawrkar laipui nen thukhat vuan a hma kan lak zel a pawimawh thu a sawi bawk a ni.

Vawiin sawihona ah hian State tin ten mahni dinhmun lo zir chiang a, an hmalak zel dan tur ngaihtuah ni se tih rel a ni a. An ngaihtuahnate chu remchang hmasaberah Guwahati-ah sawiho leh nise ti a rel bawk a ni.