DOEACC (Department of Electronics Accreditation of Computer Courses) hi tunhma chuan CEDTI (Centre for Electronics Design & Technology of India) tih a ni thin a. Kum 2001, April thla khan Ministry of Information Technology, Government of India leh Government of Mizoram, Industries Department ten MoU sign-in tuna Zuangtui, Industrial Estate hmuna Vertical Building-ah dahin kum 25 chhung atan a hmun hi luahhawh tir an ni.

DOEACC hi Department of IT, Government of India, hnuaia autonomous society pakhat a ni a, administrative control pawh Mizoram sorkar hnuai ni lovin, Central atanga tih vek a ni. Amaherawhchu, kan ram chhunga central sorkar department leh societies-te an rawn inbun (establish) dawnin sorkar phalna lak hmasak a ngaih bakah an awmna hmun turte lo ngaihtuah saktu an awm a ngai thin. Khatih hun lai khan Industries Department hi IT lama nodal department an nih avangin a buaipuitu ber pawh an ni. Amaherawhchu, DOEACC Society te an kal leh zelna turah leh sorkarte nen pawha thawhhona tha zawk a awm theihna turin a concerned department i.e., Department of ICT, hi Mizoram sorkar chuan a nodal department atan ni tawh zawk rawh se tiin Dept of ICT hi a ruat ta a ni. DOEACC Society-a kan sorkar va inrawlhna awm thei chu an Executive Committee Member zinga kan sorkar aiawh Director (Industries), MD (ZENICS) leh Director (HTE) an tel ve na hi a ni. Heng Meeting-ah hian IT hmasawnna tur kawngte leh zirna kalpui dan turte sawiho thin a ni.