1527/2022-2023
Lunglei the 9th, August' 2022: Vawiin chawhnu khan Dr. K. Beichhua, Minister of State, Social Welfare, Animal Husbandary & Veterinary, Excise & Narcotic leh Sericulture Department changtu chuan Lunglei ah Social Welfare Department hmunhma thenkhat a tlawh.

Dr.K. Beichhua hian Lunglei Zotlang a Social Welfare Department Office hmun ah Sorkar laipui Ministry of Tribal Affairs atanga sum hmuh cheng nuai 55 a sak tur Integrated Tribal Development Agency (ITDA) Building hmunhma tur a en a, Social Welfare Office Building chungah District Programme Officer leh Child Development Project Officer, quarter sakna tur te a en bawk. Minister hian Lunglawn ah Ministry of Tribal Affairs atanga sum hmuh cheng vaibelchhia 2.1 hmanga sak mek Mara Tribal Girls Hostel naupang 50 awm theih na a hmun ah a tlawh bawk. Minister hian Pukpui hmun a Observation Home leh Anganwadi Cente II te pawh a tlawh a ni.

Dr. K. Beichhua hi Pu Arun Mishra, Secretary, SWD, Pi Zodingpuii, Director, SWD, Pu Kulothungan A, Deputy Commissioner, Lunglei leh Official thenkhat ten an tawiawm a ni.