No.3908/2021-2022

Aizawl February ni  4 2022: Vawiin chawhnu dar 2:00Pm khan Dr. K.Beichhua, Minister for AH&Vety,Social Welfare etc. hovin I&PR Conference Hall-ah an 38th Annual Conference cum MJA Golden Jubilee lawmna hun hman a ni. I&PR Hall-a  lawmna programme hman hmain, Minister Dr. K.Beichhua chuan MJA Jubilee hriatrengna  lungphun Siaha MJA Press Club-ah a hawng hmasa a ni.Siaha MJA te hi Chhimtuipui Journalists' Association (CJA) tiin, kum 1984 khan an lo ding tan a, kum 2005 ah khan MJA -ah an inchhunglutin, Siaha MJA tia hriat an lo ni ta a ni.

Vawiin  I&PR Hall-a hun hman hi Pu M.Baithai,Editor Chhim Aw chuan kaihhruaiin, Pu B.Dawpho Editor,The Times of Maraland in inchawnglawmna thu leh Siaha MJA chanchin tawi sawina hun a hman zawhah Khualzahawm Dr.K.Beichhua chuan  thusawina hun a hmang chhunzawm  ta a ni.(Siaha MJA hian khuallian hi an nei ngai lova, khualzahawm chauh hi an nei thin)

Khualzahawm Pu Beichhua chuan political party awn lam nei lova, neutrality vawng tha apiang Journalist tlo an ni thin. Internet based Social media te hian information thehdarhna kawngah  Print media te hi tlan khalh thin che u mahse intilunghnur suh u, Print Media hi mipui te rin zawk  a ni fo dawn avangin inhlutna hi a tipung mah zawk a ni. Social Media hman thiam tulzia pawh mipui hnenah zirtirna pe thin turin  Minister chuan  MJA Siaha te a chah a. kan ram politics khalh ngil turin tlinna tur ngawt buaipui lova, tlakpui ngam  Politics khelh tura fuihna  thu te  ziak tam tur leh  kan thalai te tan Moral reformation thlentu tur thu te ziak tam turin a fuih hlawm bawk a ni.

Vawiin chawhma khan Kum 2022-2024 a Siaha MJA hruaitu tur thlanna neih a ni a, a hnuaia mi te hi thlan tlin an ni.

President: M.Baithai,Editor Chhim Aw

Vice President:V.Pawhla, Chief Editor,New Skylink Vision

Treasurer: Lalnunkima Pisa, Editor,Hnialum Star Vision te an ni.

Executive Committee Member atan 

1. Pu. PT. Lalhnehzova

2. Pu. B. Vanlalhriata

3. Pu. T. Lalrosiama

4. Pu. H. Sabi

5. Pu. Lalramnghaka Chinzah te an ni.

Vawiin Annual Conference leh Golden Jubilee lawmna inkhawm hi lawmthu sawinain Pu Lalnunkima Pisa in a khar ta a ni.