1924/2026-2027

Dated Aizawl, the 24th August, 2026 : Vawiin khan UGC-Women’s Studies Centre(UGC-WSC),MZU leh Mizoram State Commission for Women (MSCW) te tangkawp chuan MZU Education Conference Hall-ah inchhungkhura hleihlenna chungchang, ‘Domestic Violence in Mizoram : Issues and Challenges’ tih thupui hmangin zirhona (seminar) an nei a. MZU Vice-Chacellor Prof. Dibakar Chandra Deka chu khuallian niin, Adviser to CM leh UGC-WSC, MZU a Standing Commitee Member ni bawk Dr. KC. Lalmalsawmzauva chu khualzahawm a ni.

Dr. KC. Lalmalsawmzauva chuan, “Mizo nun hluiah mipa leh hmeichhia te mawhphurhna mumal tak a awm thin a, chung chu zawi zawiin changkanna in a ken tel avangin loh theih lohin a lo danglam chho ta a ni” a ti a; domestic violence awmna chhan pakhat chu tunlaiah mipate an awm awl tak lutuk vang a ni a, chumi tiziaawm tur chuan mipa te nihna inhrilhfiah thar a ngai a ni, a ti. Mipa te chu inchhungkhurah hmeichhe tih ang engkim ti ve tur te, an nupui fanau te mai bakah thenawm khawveng ten an thlamuanpui a, mawhphurhna la ngam leh hmeichhe awm nem zawkte mangan laia an tluk luh ngamna ni tura awm turin a chah a ni. “Domestic violence damdawi tha ber chu chhungkuaa inrelbawlna fel tak neih a ni,” tih a sawi bawk a ni.

UGC-WSC,MZU Honorary Director Prof. Zoengpari pawhin thu sawiin, inchhungkhura hleihlenna hi kohhran, khawtlang leh chhungkua nen a inzawm tlat a; Mizo society-ah chuan kohhranin kan nunphung leh thil kan thlir danah nghawng a nei lian hle a, chuvangin domestic violence kan thlir dan leh a laka kan invenna tura hma la theitu lian ber chu kohhran te hi an ni, a ti.

UGC-WSC,MZU Honorary Director Prof. Zoengpari chuan he programme hi a kaihruai a, he seminar-ah hian Resource Persons – Prof. T. Vanlaltlani, Women’s Studies United Theological College Bangalore Chairperson Dr. Lalrinawmi Ralte, MSCW Member Secretary Pi Flora Laltanpuii leh CYMA Vice-President Prof. Lalnuntluanga te zirtirna hnuaiah domestic violence chungchang sawihona neih a ni a, zirlaite leh hmeichhe pawl hrang hrang hruaitute sawm an ni.