No.3207/2020-2020

Vawiin ni 18 July 2020 khan Dr. ZR Thiamsanga MLA, Vice Chairman Health and Family Welfare Board chuan East Tuipui huam chhunga lirnghing tuarte tlawh turin a feh chhuak a. Zaninah Champhai ah riak chhovin, naktuk ni 19th July 2020 hian Chief Medical Officer Champhai leh Civil Hospital Champhai a Medical Specialist rual te nen East Tuipui Bial chhunga lirnghing tuarte an tlawh ho dawn a ni.

Dr. ZR Thiamsanga leh medical team te hian mipuite harsatna a hmunah enin, damlo leh lirnghing a vanga harsatna nei te pawh a tul ang a enin, an pui nghal bawk ang. Vawiin vek hian Champhai a panna kawngah Champhai Tuipui a tla ni ngei a hriat Pu Thanggoliana, Kum 54 ruang zawng tute a tlawh chho nghal bawk a ni.

Mizoram sawrkar ruahmannain karleh thawhtanni hian Medical team- Psychiatrist leh Medical Specialist rual te chu team thum a insiamin, East Tuipui bial hi an pan dawn bawk a ni.