2460/2022-2023

Champhai, the 27th October, 2022: Vawiin khan Health & Family Welfare Board Vice Chairman  Dr. ZR Thiamsanga, Champhai North bialtu MLA chuan Hnahlan PHC leh Hnahlan khua chawmtu nizung chakna hmanga tuilakna, Hnahlan Water Supply Scheme (Solar Pumping) te a tlawh.

Dr. ZR Thiamsanga chuan Hnahlan PHC a Solar Energy Station bun tawh, hman theih loha awm mek chu siam that dan kawng mithiamte nena  thawk duna ngaihtuah anih thu a sawi a. Nakin zel atan pawh Hnahlan PHC leh a pantute'n an chhawr tangkai zel a beisei thu a sawi bawk. 

Hnahlan PHC a tlawh hnuin Hnahlan khaw chawmtu Kurung lui atanga tuilakna Hnahlan Water Supply Scheme (Solar Pumping) chu a hmunah kalin a enfiah a. Hnahlan WSS (Solar Pumping) siam hna hi ṭhuang thum (Stage-I,II&III) a thawh a ni a. Nizung chakna hmanga Hnahlan tuilakna hi NABARD RIDF-XXIV sum cheng nuai 1065.57 senga siam a ni a. Heng bakah hian JJM sum cheng nuai 262.31 hmangin in tina tui connection pekna siam a ni a, sump reservior tihlen hna leh tul dangte pawh thawh mek a ni bawk. 

Dr. ZR Thiamsanga hi PHE Department atangin Pu Vanlalmuanawma, SDO leh Pu H.Vanlalmawia, JE te bakah Pu Kamminthang, Solar Engineer, NIELIT ten an tawiawm a ni.  

Attachment

  • Loading attachment...