No.377/2020-2021

Tukin zing khan Siaha Circuit House Reception room-ah Minister leh Siaha bialtu MLA ni bawk Dr.K.Beichhua leh Palak bialtu MLA Pu KT.Rokhaw hovin Covid-19 lockdown avanga kan hmalam hun rei lo teah ei leh bara harsatna hmachhawn thei kan nih avanga lo inralrin dan tur leh lo inhmakhuah dan tur relin MADC hruaitute, GoM official te leh Joint VC ten meeting an nei.

Tukin meeting hi Dr.K.Beichhua’n a kaihruaia, meeting koh chhan sawiin, Covid-19 lockdown avang hian tun atanga thla thum(3)/(4) lek-ah tam theih dinhmunah kan ding a, chung harsatna atang chuan engtin nge kan inhaichhuah theih ang tih hi bengsikin i ngaituah ho te ang u, ti a meeting hi koh a ni.” a ti.
Tukin meeting-ah hian MADC atangin CEM,EM(Agri),EM(Rev),EM(Forest) te an tel a. GoM atangin DC,DVO,DHO,DAO,DIPRO leh SDC te telin, Joint VC atangin Chairman leh Secretary te an tel bawk a ni.

Tukin meeting chuan Covid-19 avanga kan tam loh nana hmalatu tur Siaha District Covid-19 Food Security Consulatative Commitee din a rel a. He commitee hian Covid-19 dona kawnga sawrkar in dan leh hrai a siam te zawm zel chungin hna a thawk ang.
Committee member te chu a hnuaia a mi te hi ruat an ni:-

Chairman: Dr. K.Beichhua, MoS
Vice Chairman:
1) Pu KT.Rokhaw,MLA
2) Pu N.Zakhai,CEM,MADC

Member Secretary: Pu Bhupesh Chaudhary IAS,DC
Members:
1)EM(Agri),MADC
2) EM(Forest),MADC
3)EM(Revenue),MADC
4) PD,DRDA
5)EE,PHE
6) EE.PWD
7)DAO( GoM) & DAO (MADC)
8)DVO(GoM)
9)DHO
10)BDO,Siaha & Tipa
11) DCSO
12)DIPRO
13) SDC
14) DFDO
15) Chairman, Joint VC
16) President, MTP(H)

Tukin zing meeting chuan naktuk (17/4/2020) atangin kan district chhungah Agriculture baseline survey neih nghal tura hmalak nghal zung zung a rel bawk.

Minister K.Beichhua chuan tunah hian thlai chi dapkhawmna kawngah theitawp chhuaha hma lak mek a ni thu meetingah report a pe bawk.

Minister chuan tunah hian do 2 kan nei, Pakhat chu Covid-19 a ni a, pakhat zawk erawh covid-19 avanga tam lo thleng mai thei hi a ni. Covid-19 hri laka chuan lo inpuahchah lawk theih pawh a ni lo, theitawpa lo inven hi a ni mai a. Covid-19 avanga ei leh bar tlakchhamna lo thleng tur atan erawh chuan kan tanrual a; kan taimak phawt chuan kan lo inpuahchah lawk thei a ni, a ti. Minister chuan kuminah hian khua a ro em avangin Siaha district chhungah ram kang a awm nual a, heng ram kang te hi dahawl mai lovin chaw a rin theih tur thlai chin nana hman tangkai vek i tum ang u,chu mi atan chuan kan MDC te leh VC ten in bial mipuite hrilhriat leh zirtirna kawngah mawhphurhna sang tak in nei a ni, a ti a. Sawizelin Minister chuan tukin Siaha District Covid-19 Food Security Consultative Committee kan din hian Phura phai zawla hmalak dan tur te, thingtlang khaw hrang hranga loneitute hmalakna enpui te, ei leh bar tharchhuahna kawnga hmalakna leh a kaihhnawih thilah a sulsutu a ni dawn a ni. Tunah hian Chhaolo khuaah Vaimim chinna tur ram 300Hactare a zau thlanfel tawh a ni a. AH&Vety ram thenkhat pawh Vaimim chin nana buatsaih tum a ni , a ti bawk.

Attachment

  • Loading attachment...