No.2699/2021-2022

Aizawl 23rd October 2021: Lunglei South Bialtu, Dr. K. Pachhunga MLA, Vice Chairman Bamboo Development Board chuan nimin tlai khan BLUE EYES ACADEMY LUNGLEI hnuaia Skill Development Training chhuak te Certificate hlanna Program Excise & Narcotic Dept Conference Hall Lungleia a neih chu a hmanpui.

 Dr K Pachhunga chuan Mizo thalaite mahni kut ke a din tum, eizawnna thiam thil zir tura rawn pen chhuak te chu an fakawmin, intodelh duhna rilru nei hma an la chu a lawmawm takzet a ni tiin thalai kut hnathawh lam a mi taima leh en tawn tlak an pung zel hi thil lawmawm tak a ni, a ti. 

Bakery leh Tailoring a ei zawng thei, zir chhuak mi 55 te  chu duhsakna a hlan a. Academy enkawltu, Pu. C.Lalramluahpuia chungah pawh lawm thu sawiin a kal zelna turah duhsakna a hlan a ni.

Attachment

  • Loading attachment...