1671/2025-2026
Aizawl the 30th September, 2025 : Director General of Civil Aviation hnen atanga Mizoram sawrkarin thu a dawn angin tunhnaiah Drone hman chungchangah dan bawhchhiatna hrang hrang a awm tih report a ni a. Mipuiten dan kan lo hriat a, dan hnuaiah him tak a drone hmangtuten an hman theih nan a hnuaia thu te hi zawm tur a ni e.
- Drone kan hman tur te chu Type Certified niin a in ziahluhna tur dik tak ah in ziahluh vek tur a ni.
- Drone khalh tu chuan a drone hman tur chu Nano emaw Micro drone, sumdawnna ni lo atana hman anih chauh loh chuan Remote Pilot License a nei ngei tur a ni.
- Danin a phut angin Drone chu nano anih loh chuan Third party Insurance tih ngei ngei tur a ni a, Insurance tihfel loh drone thlawh chhuah tir phal a ni lo.
- Drone khalh tur reng rengin Yellow zone ani emaw Red zone leh hmun dang ani emaw drone thlawh chhuah tir anih hmain hemi atan a thuneitu bik sawrkarin a ruat hnenah phalna a nei hmasa tur ani.
- Foreign siam drone te phalna la hmasa lo chuan thlawh chhuah tir phal a ni lo.
- Drone registration an tih dawn reng rengin dan thenkhat pumpelh duh vangin a rih zawng dik lo ziahluh phal a ni Io.
