Ni hnih awh tur (February ni 21 leh 22) ruihhlo kaihhnawih leh khuahkhirna dan lekkawh chungchanga training ‘Training on Drug Law Enforcement’ chu vawiin khan tan a ni a. He training Sorkar Laipuia Narcotics Control Bureau leh Mizoram Sorkara Narcotics & Excise Department tangkawp buatsaih hi Pu Lalbiakthanga Khiangte Commissioner of Excise & Narcotics chuan a hawng a ni.

Commissioner chuan drugs do hi Mizoram Sorkar in a ngai pawimawh a tiin Mizoram a heroin Myanmar atanga lo lut leh thenawm state atanga ganja leh damdawi ruihtheih thil atana hman thin lo lut dona kawng training a tel te hian an hlawkpui ngei a beisei thu a sawi a ni. Training ah hian Police, Customs leh Excise & Narcotics Department atangin officer 33 an tel a ni.