No.814/2021-2022

Dated Khawzawl, the 4th June, 2021: Dulte Village Council huam chhunga Zaupui Area (Hauhuk thlan atanga Leitan inkar) tuma tlawhpawh phallohna hmun, Containment Area a May ni 29, 2021 a puan tawh chu Pu Zothanmawia, Deputy Commissioner & Chairman, District Level Task Force on Covid-19, Khawzawl District chuan hlih a nih tak thu vawiin khan a chhuah.

Zaupui ram, Dulte-a Anusha Projects Pvt. Ltd. Camp-a awmte hi June ni 1, 2021 khan random test neih sak niin, camp-a awmte hi test vek an ni a. Covid-19 positive hmuhchhuahte chu Covid Care Centre-ah dahluh nghal niin, positive contact neite pawh camp chhunga Quarantine Centre-ah khunghran nghal an ni bawk. Tuna Anusha Camp pangngaia awmte chu Covid-19 negative certificate nei, positive contact nei lo vek an ni tawh a ni.

Deputy Commissioner, Khawzawl District order No.J.12019/17/2021-DC(KZL)/VOL-XII dt. 30.5.2021 kaltlanga Khawzawl District-a hman tur Lockdown inkaihhruaina siam chu hman chhunzawm zel tur a ni ang.