No.7108/2020-2021

Vawiin khan Champhai District A.H & Vety Officer Dr. B.Zonghinga chuan Farkawn leh Samthang khua Sial vulhtu te tlawhin, Fostering Climate Resilient Upland Farming System in the Northeast (FOCUS) project kaltlanga AH& Vety Department hmalakna hrang hrang te hman theih turin a hawng.

He hunah hian Dr. B.Zonghinga chuan undivided Champhai district chhungah Sial vulh khaw 20 an awm thu leh chung zinga khaw 10 thlan hmasakah te FOCUS project kaltlanga Sial vulh tanpuina leh chhawmdawlna pek an nih thu a sawi a. First installment kaltlangin an chaw hmun siam sak anih thu leh Se In, a vengtu te chawlhna, tui in na tur Water Trough square feet 1269  pali zel leh enkawl an ngaih huna Se thlunna tur Travis siam sak an nih thu a sawi a. Second installment atangin a tul leh mamawh angah te hmalak chhunzawm zel anih tur thu a sawi bawk.

Champhai district chu Sial vulh kawnga Mizorama hmahruaitu leh theihna sang tak nei anih avangin hmalak chhoh zel tum a ni, a ti a. Sial vulhtu te chu Sawrkarin a puihna te hrerenga thahnemngai taka hlawhtlinpui tum tura tan la tura chahin, an mamawh leh harsatna thlen te a tul angin sawrkarin a bawhzui zel dawn thu a sawi bawk.

First installment kaltlang hian Farkawn leh Samthanga Sial vulh Association-te chu tanpuina cheng nuai 4.5 ve ve pek an ni a. Second installment hmangin cheng nuai 4.5 dang pek leh tum a ni. Farkawn Ranpui Vulh Association te hi chhungkaw 30 an ni a, Sial 280 vel  Lurh tlang Mithun Grazing Ground Sq km 100 a zauah an vulh mek a, Samthang Zopui Se Vulh Association te hi chhungkaw 51 niin, Sial 300 chuang hret vulh mekin an khaw ram hmun hrang hrang Sq km 200 vela zauah an dah mek a ni.

AH&Vety Department Champhai tarlan danin tunah hian first installment kaltlanga Sazep, Khuangleng leh Hnahlan khuaa hmalakna te pawh zawh fel tawh a ni a. Vangchhia, Lianpui, Kawlbem leh Vangtlang khuaahte hna thawh chhunzawm mek zel a ni bawk.

Vawiin FOCUS hnuaia AH& Vety Department hmalakna te enfiaha hawnna hunah hian Dr. B.Zonghinga DVO, Dr.Lallawmkima DIPRO, Dr. M.S Dawngliana VO, Vety Department thawktu te leh Sial vulhtu te an tel a ni.

Attachment

  • Loading attachment...