3143/2023-2024

Khawzawl, 21st December 2023: Tukin khan Deputy Govt Chief Whip Pu W. Chhuanawma chuan Khawzawl District Hospital a tlawh a, District Hospital dinhmun leh mamawh te a hmunah a enfiah.

Tuichang bialtu MLA ni bawk Pu W. Chhuanawma hi Khawzawl Damdawiina thawktu ten an lo dawng sawng a, damdawiin dinhmun te hrilhfiahin a hnenah an mamawh te an lo thlen a ni. Pu W. Chhuanawma chuan an mamawh leh harsatna te ngaithla thei a a awm chu lawmawm a tih thu sawiin, theihtawp chhuaha tan ho a ngai a ni, a ti a. Khawzawl District Hospital hmasawnna atan theihtawp chhuaha hmalak a duh thu leh hotu sang lama bawhzui ngai pawh bawhzui sak zel a tum thu a sawi a ni.

Khawzawl Addl DC Pu Lalfakzuala pawhin he hunah hian thu sawiin, Khawzawl District Hospital mamawh te chu sawrkar scheme hrang hrang atang te leh CSR Fund atanga ngaihtuah theih engemaw zat awma a hriat thu a sawi a. Hriselna kawnga hmasawn chu ngaihpawimawh hmasak a neih a ngai a ni, a ti bawk.

Pu W. Chhuanawma hian Hospital Poor Fund a chhun luh turin Medical Officer Dr. Albert Lalhminghlua hnenah pawisa fai a hlan a.  Sawrkar official leh khawtlang hruaitu ten bialtu MLA hi an tawiawm a ni.