No.2439/2021-2022
Aizawl the 1st October, 2021: Vawiin khan Dy.Speaker leh Tuikum Bialtu MLA ni bawk Er.Lalrinawma chuan a bial chhung Khumtung khua tlawhin VC leh VLTF te nen BNRGSK hall ah inkawmna hun an hmang.
He hunah hian Er.Rinawma chuan, VLTF leh khawtlang mipuite inpekna avangin hun rei tak Khumtung khawtlang chu hri lakah kan him a a lawmawm hle a ni. Fimkhur zawk a hri dona leh invenna te kan kalpui zel a ngai a, sawrkar dan siam (SOP) te hi kan him tlanna tura duan a ni tih hrerengi zawm ngei kan tum zel dawn nia, a ti bawk.
Dy.Speaker hian VLTF te hnenah MLA Fund atangin Khumtung VLTF te hnenah Rs. 30000 leh 4C hnenah Rs. 40000 leh Test Kit 50 a pek tur thu a hrilh a ni.
Pu.Lalhrechianga, VCP Khungtung chuan Bialtu MLA in a ngaihven reng avangin lawmthu a sawia, hrileng karah hmasawnna thil hrang hrang a ngaihtuahpui reng te chu thlamuanthlak a tih thu a sawi a ni.
