April 22 hi Earth Day atan kum 1970 atang khan hman tan a ni a, a bul tumtu chu U.S. Senator Gaylord Nelson (Wisconsin) niin tunah chuan United Nations hmalaknain khawvel ram hrang hrang hruaitute hnenah sik leh sa danglam siam tha leh tura tan la thar turte leh Ni, thli leh tui chakna (renewable energy) hman uar kawnga hma la turte leh boruak tichhe lo chia hnathawh dan kawng hmuchhuak turte a ngen thin a ni. Mizoramah pawh kum 1990 atang khan hman tan niin khawvel leh a chhunga thil awm zawng zawngte hi Pathianin duhtaka mamawh inphuhrutawn tura a siam anih avanga dimdawi taka humhalh tha tura inzirtirnan hman a ni thin.
Khawvel hi boruak inthuah chi hrang hrangin a tuam chhuak vek a, an zinga lei hnaih bertu ‘Troposphere’ chhungah chiah hian mihringte leh Pathian thilsiam dangte hi an nungkhawchhuak thei a ni. Khawihmunah pawh awm se khawvela thilsiam zawng zawngte hi inngeihtlang taka awmtur leh mamawh inphuhrutawn tura siam an ni a, amaherawhchu mihringte hmasawnna leh thiamna sang chho zelin a ken tel nawmsakna leh changkanna thlakhlelhna chuan leilung leh tui leh boruaka hman tangkai theih apiang insumkarna tel miah lova hman tirin hei hian thilsiam dangte nena inbuktawk taka inhnerem leh kalrual tur kha a tibuai ta a, hei hian harsatna lian tak khawvel a hmachhawn tir mek ta reng a ni.
Mizo mipuite hian leilung leh leilung leh a hausakna humhalh kawnga tan lak thar a tul zia inhriattir thar leh a pawimawh hle a, mamawh tinreng min phuhrutu ramngaw leh nungcha tinrengte humhalh kawngahte, bawlhhlawh sawngbawl kawngahte leh lui tui enkawl chungchangahte tan nasa taka lak thar a tulin ngaihtuahna thui tak nei chunga ke pen hi tun atana tihmakmawh a ni. Bawlhhlawh thehthang kawngahte, ramngaw tihchereu leh hemi in akaihhnawih ram tihkan chungchangahte leh thildang ahte inzirtir uar thar leh a tul hle a ni. Hemiah hian mizo mipui zawng zawngten mawhphurhna kan nei theuh a, heng harsatnate tihziaawmna kawng tha ber chu ramngaw leh nungchate humhalh kawnga tan lak ani tih hria a hemi kawnga hmalatu Department leh pawlho tawiawmte, Sawrkar hmalakna tha taka thlawpte hi ram khua leh tui kan nihna ang pawha kan tihtur ani tih hriat a pawimawh hle a ni.
Mizoram bikah chuan Ram Kang hian nasa takin kan ram leilung leh nungchate min tihchhiatsak a, kan lo neihdanin a zirloh vangte leh kan finkhur tawk loh vangtein kumtin ram nasa takin kan tikang thin a, hei hi ram mualphona leh hnam tihhmelhemna anih avangin leh mihring nunna hlu tak suattu anih bawk avangin he Earth Day kan hman mekah pawh hian ram tikang tawh lo tur leh kan chenna leilung leh min hual veltu boruak tibawlhhlawh thei hrang hrang veng tura rilru siam thara mahni zawn theuihva hma lak a pawimawh hle a ni. Chuvang chuan heng harsatnate hi kan hneha zoram nuam siamna kawnga tan kan lakna kawnga chakna thar min petu atan he Earth Day hi i hmang theuh ang u.
Mizo mipuite hian leilung leh leilung leh a hausakna humhalh kawnga tan lak thar a tul zia inhriattir thar leh a pawimawh hle a, mamawh tinreng min phuhrutu ramngaw leh nungcha tinrengte humhalh kawngahte, bawlhhlawh sawngbawl kawngahte leh lui tui enkawl chungchangahte tan nasa taka lak thar a tulin ngaihtuahna thui tak nei chunga ke pen hi tun atana tihmakmawh a ni. Bawlhhlawh thehthang kawngahte, ramngaw tihchereu leh hemi in akaihhnawih ram tihkan chungchangahte leh thildang ahte inzirtir uar thar leh a tul hle a ni. Hemiah hian mizo mipui zawng zawngten mawhphurhna kan nei theuh a, heng harsatnate tihziaawmna kawng tha ber chu ramngaw leh nungchate humhalh kawnga tan lak ani tih hria a hemi kawnga hmalatu Department leh pawlho tawiawmte, Sawrkar hmalakna tha taka thlawpte hi ram khua leh tui kan nihna ang pawha kan tihtur ani tih hriat a pawimawh hle a ni.
Mizoram bikah chuan Ram Kang hian nasa takin kan ram leilung leh nungchate min tihchhiatsak a, kan lo neihdanin a zirloh vangte leh kan finkhur tawk loh vangtein kumtin ram nasa takin kan tikang thin a, hei hi ram mualphona leh hnam tihhmelhemna anih avangin leh mihring nunna hlu tak suattu anih bawk avangin he Earth Day kan hman mekah pawh hian ram tikang tawh lo tur leh kan chenna leilung leh min hual veltu boruak tibawlhhlawh thei hrang hrang veng tura rilru siam thara mahni zawn theuihva hma lak a pawimawh hle a ni. Chuvang chuan heng harsatnate hi kan hneha zoram nuam siamna kawnga tan kan lakna kawnga chakna thar min petu atan he Earth Day hi i hmang theuh ang u.
