No.637/2020-2021

E.Lungdar ICDS Project leh Thingsulthliah ICDS Project hnuai a Anganwadi Worker-te chuan tunlai hripui Covid-19 in rampum a tihbuai mek lai hian a do let nan theihtawp chhuahin hma nasa takin an la reng a. Mizorama inkharkhip puan a nih atangin Village Level Task Force (VLTF) te nen tang hovin Supplementary Nutrition(SNP) Nu, Naupai, Nau Pawm leh naupang kum 6 hnuailam te tan Anganwadi Centre ah Social Distancing tha taka kalpui chungin sem chhuah thin a ni a, khaw thenkhatah phei chuan VLTF te nen tangkawpin inah te an pe thin bawk a ni.

E.Lungdar ICDS Project –

* E.Lungdar ICDS Project hnuaiah hian Anganwadi Centre 60 awmin, Anganwadi Worker, Helper leh VLTF te tangho in beneficiary-te hnenah nutrition hi chhum lo chat lova pek reng an ni

* “Mask for All Campaign” hnuaiah an beneficiary (Nu, Naupai, Nau pawm leh Naupang kum 6 hnuailam) te he hripui Covid-19 laka an lo him zawk theih nan khaw hrang hrang Anganwadi Worker ten mask (hmaituamna) suk theih 1400 chuang thui sak tawhin sem chhuah tawh a ni

* Sailulak International Border (Indo-Myanmar) a VLTF duty te mask hman tur E.lungdar leh Sailulak Anganwadi Worker ten tam tham tak thui sakin duty te hnenah hian hlan an ni.

* Lungkawlh International Border (Indo-Myanmar) a LTF duty te hman tur Mask N.Vanlaiphai Anganwadi Worker ten tam tham tak thui sakin duty te hnenah hian hlan an ni.

* Take Home Ration sem pahin Anganwadi Worker ten an Centre a lo kal te “Kut Silfai” dan uluk takiin an zirtir thin a, mask hman a tangkaina hrilhin eitur hrisel eitam uar turin nasa takin an chah thin a ni.

Thingsulthliah ICDS Project -

*Anganwadi Worker ten an centre a mask neilo te zawng chhuakin mask suk theih an thui sak

*Nutrition In lama pek pahin Anganwadi Worker ten an beneficiary te Mask hman dan leh Kut silfai dan te leh Covid-19 laka inven dan te uar takin an zirtir thin

*VLTF te hnehah Anganwadi Worker te Mask thuisak engemaw zat pek a ni.

*Thingsulthliah ICDS Project hnuiah hian Anganwadi Centre 95 a awm mek a, Anganwadi Worker leh Helper ten Mask mipui te hman tur 2500 chhuang zet an thui tawh a ni.