Vawiin khan Election Commission of India atangin Regulatory Audit Team chuan Kolasib District a Election hmachhawn tura inpuahchahna hrang hrangte an endik.

Regulatory Audit Team hi Election Officer Pu Vanlalchhuanawma Chawngthu in alo dawngsawng a, he hunah hian Kolasib District huam chhunga  Assembly Constituency tina ERO leh AERO te an ko khawma Roll Revision chungchang te zawhfiah an ni a, hemi bakah hian Assembly Constituency tina BLO hrang hrangte koh khawm an ni bawk a, BLO Register te an endik a,  2nd Special Summary Revision neih taka Electoral Roll kaihhnawih form hrang hrang heng form 6,7,8,8A te an endik bawka, hemi bakah hian EVM/VVPAT leh Election kaihhnawih a media chungchanga an hmalakna te an zawt fiah bawk a. Election Branch chuan Regulatory Team hriat duh te chu an chhang a, Inthlanpui lo awm tur a tana an inpeih fel tawh thu an tarlang a, ECI team chuan Kolasib District Election hmalakna chu lawmawm an tih thu an tarlang bawk a ni.