Vawiin khan Economic & Statistics Department Conference Hall, Aizawl-ah India ram Economic Census vawi 7-na neih tura Mizoram tana inpuahchahna hmasa “State Level Training of trainers (SLTOT) Workshop for the State of Mizoram” neih a ni a, Economic & Statistics Director Pu Lalrikhuma Sailo chuan he workshop hi hawngin State Level Coordination Committee member te bakah Economic Census buaipuitu official pawimawhte an tel a ni.

Vawiin workshop hi Session thumah then niin session hmasa ber Technical session  ah thupui pahnih “Overview of 7th Economic Census, 2019” leh “Schedule of 7th Economic Census-concept, definition etc.” zirho a ni a, session hnihna ah “Fundamental Concepts, Schedule & Definition in 7th Economic Census”  leh “7th Economic Census 2019- Broad Implementation Framework” zirho niin session thumna ah “Mobile App Demo of IT Application-1st and 2nd Level supervision Module along with dashboard facilities for monitoring” zirho niin sawihona hun neih ani bawk.

Training hi Ministry of Statistics & Programme Implementation, Govt. of India leh CSC e-Governance Service India Ltd. tangkawp buatsaih a ni a, Pu Lalduhsaka, Sr. RO, Tripura leh Pu Anmol Kalra, CSC, SPV New Delhi ten training hi an pe a ni.

Ruahman lawk dan chuan Jun ni 3, 2019 hian District Headquarters zawng zawngah District Level Training Workshop neih tur a ni a, hemi zawh hian June ni 5 leh ni 10 inkarah District chhung hmun hrang hrangah Enumerators te tan training hi buatsaih chhunzawm a ni ang.

India Economic Census hi kum 1977 atanga neih tan niin kum 1980, 1990, 1998, 2005 leh 2013 te khan neih alo ni tawh a ni.

Attachment

  • Loading attachment...