64/2025-2026

Aizawl, the 4th April, 2025: New Delhi-a cham mek Education Minister Dr. Vanlalthlana chuan vawiin khan DoNER Minister Pu Jyotiraditya Scindia leh DoNER Secretary Pu Chanchal Kumar te chu New Delhi-a an pisa-ah tlawhin, Mizoram hmasawn nana pawimawh hrang hrangte a sawipui.

He hunah hian Dr. Vanlalthlana chuan DoNER Minister hnenah hian Mizoram hmasawn nana pawimawh hrang hrangte leh mamawhte thlenin, hmalak tulte a sawipui a. DoNER Minister chu Mizoram hmasawn nana theihtawp chhuaha tawiawm tura sawmin, zirlai naupangte'n mahni intodelhna kawnga ke an pen theih nana pawimawhte a thlen bawk. 

Union Minister nena inkawm hona hunah hian Mizoram Lok Sabha MP Pu Richard Vanlalhmangaiha chuan Dr. Vanlalthlana hi a tawiawm a ni.

Education Minister hian DoNER Secretary Pu Chanchal Kumar pawh a pisa-ah kawmin  DoNER Ministry kaltlanga Mizoram tihhmasawn dan turte a sawipui a ni.