512/2026-2027

Dated Aizawl, the 14th May, 2026 : Nimin khan All India Service leh Central Service Mizote kan luh theih nan inbuatsaihna (UPSC Grooming) Mizoram sorkarin a buatsaih chu Education Minister Dr Vanlalthlana chuan a Chamber-ah a hawng a. HSLC Examination 2025-a total mark 405 hmu chin tan dil theih a ni a. Heng mite hian MBSE buatsaihna hnuaia written exam leh personal interview te an neih leh vek hnuin mi 10 thlan chhuah an ni a. He UPSC Grooming Scheme hawnna-ah hian MBSE hotute, MERC, zirlaite, Nu leh pa mai bakah MS Academy hotute an kalkhawm a ni.

Minister Dr Vanlalthlana chuan Central lam dawra Mizo hmel hmuh tur an awm mang lo chu a khawharthlak thu a sawi a. Kan ram thlalaite hian India ram in elna sang ber hmachhawn tur hian kan thei a ni, a ti a. Sorkar hnasang vuantute, ram hmangaih si hlawk zia sawiin, ministerte chu a fawngvuantu nimah ila, a nihna takah chuan kan khawlpui chu kan sorkar mithiamte hi an ni, a ti bawk a. He scheme hi sawrkarin an ngaihpawimawh thu leh tihhlawhtlin ngei a tum thu a sawi a. Hemi tana hma lo la tu zawng zawng MBSE hotute, Mizoram Educational Reform Committee (MERC) te chungah lawmthu a sawi a ni.

He hunah hian MERC Member Dr. Rohmingmawii pawhin thusawiin he scheme hi naupanlai atanga Catch them Young ang kha a ni, a ti a. He inelna atan hian bul tan hma a ngai a, nachang hria minister leh buaipuitu MBSE hotute chungah lawmthu a sawi. MBSE Chairman, Pu JH Zoremthanga pawhin uluk taka naupang an thlan dan te a tlangpuiin a report bawk.

Mizoram Coaching centre hrang hrangte proposal thehluh zingah hma lo la turin MS Academy, Khatla chu thlan a ni a. He scheme hi kum tin tih chhoh tum a ni a, thlan chhuahte hi kum 5 chhung tuaihriam (Grooming) an ni ang a. UPSC exam tura naupanlai atanga rilru leh taksa lo insawizawina scheme a ni.