115/2023-2024

Guwahati, 15th April, 2023 : Vawiin khan Guwahati Mizo Welfare Association (GMWA) chuan Assam Don Bosco University Campus, Tapesia, Guwahati-ah "Guwahati Mizo Welfare Association Day" an hmang.

He hun hi Pu Lalchhandama Ralte, Minister, SED, LESDE, etc chuan khuallian niin hun a hmanpui a. Khuallian chuan GMWA members ten tlawmngai taka midang tanpui hna an lo thawh thinna ah lawmawm a tih thu sawiin, Mizo Welfare Association a nih angin zohnahthlak hrang hrang Guwahati a awmte lungrual taka insuihkhawmna pawl a nih theih zelna tura tan la turin kalkhawmte a fuih a. Chutihrualin, hnam nunzia vawng nunga chawilar zel turin a fuih bawk a ni.

Khuallian chuan member kalkhawm zinga zirlaite chu Mizoram hmalam hun turte an nih inhre reng a, taimakna nena zir turin a fuih bawk a ni.

Khuallian Pu Lalchhandama Ralte hian GMWA tanpui nan leh atul anga hman atan Rs 50,000/- a hlan nghal a ni.

Pu Lalchhandama Ralte hi Pu Lalramsanga Sailo, IRS Secretary, LESDE, Govt. Of Mizoram leh Dr.Malsawmtluanga Fanchun, Deputy Resident Commissioner, Mizoram House Guwahati ten an tawiawm a ni.