Education Minister Pu Lalsawta chuan vawiin khan Chanmari YMA Hall ah Mizoram Secondary School Teachers Association (MISSTA) Annual General Conference vawi 14-na a hmanpui.

Khuallian Pu Lalsawta chuan khawvela Mizo te kan dah chhuah ve theihna awm chhun chu zirna chauh hi a ni, tiin zirna siamtha tura Sorkarin theihtawp chhuaha hma a lak mek dan te a sawi lang. Zirna atanga certificate neih ringawt ai chuan rawih tlak ni tura thiamna tak tak pawchhuak tura zirna kalpui a pawimawh thu te a sawifiah bawk. Zirna ah quality a pawimawh tih hriain Sorkar chuan Sorkar schoolsiambelh zawnga kal lova a awmsa te siamthat leh tihchangtlun chu Sorkar ngaihpawimawh a nih thu te a tarlang bawk. Mizoram zirna siamtha tura hmalak chhoh mekna chuan rah duhawm tak a chhuah ngei a beisei thu sawiin Minister chuan kalphung thlak tur chuan harsatna tam tak paltlang a tul thu te a sawi lang bawk. Mizoram hmalam eng taksiamturinZirtirtu kalkhawmte chu an mawhphurhna pawimawhzia hriaa theihtawpa tan la chhunzawm zelturina chah bawk.

MISSTA General Conference ah hian kum kalta chhunga an member boral mi 8 sunna hun neiin Pension-a chhuak mi 29 te hnenah ngaihhruina thilpek an hlan bawk. MISSTA General Conference hawnna ah hian President Pu Lalrammawia leh School Education Director Pu P.Lalchhuanga ten thusawina hun an hmang bawk a, Mizoram hmun hrang hrang atangin Zirtirtu te an kal tha hle a ni.