Education Minister Pu Lalsawta chuan nimin tlai khan Saiha a thleng a. Circuit House-ah DC Pu Rodney Lalrinawma leh CEM, MADC Pu S. Khipo hovin officials, tlawmngai pawl hruaituten an lo hmuak a ni.
Amah lo hmuaktute nena inkawmna neiin Minister chuan Saihaa tlawh hmasak bera ropui taka an lo hmuah avangin lawmthu a sawi a, Mizoram tihhmasawn nana an party in mithiamte rawna manifesto an duan chu kaihruaitu bera an hman thu leh ram tana theih ang tawka an thawh mek dante a tarlang a. A department chan lama hma an lak mek dante sawifiahin mumal zawka Dan kenkawh leh Dan mamawh duan thar te, hun tam tak khawhrala mipui ten chhiah chi hrang hrang an pek thin dan tih awlsama tih zangkhai dan ruahmante leh zirna tih hmasawn nana tan an lak dante a sawi lang a, zirna tha nei tura sum insen chu a finthlak leh hlawkzia te sawifiahin sorkar hmalakna ah tha taka lo tawiawm zel turin kalklhawmte chu a sawm bawk a ni.
Minister hnenah hian S.S.A., Saiha chuan Darkhuang an pe a, hemi zawhah hian Minister chuan M.A.D.C. hruaitute, Officials, Tlawmngai pawlte leh school hotute kawmna hun a hmang zui a, harsatna an tawh hrang hrangte Minister hnenah hian an thlen a ni.
Minister hi Aizawl lam atangin Pu H. Rohluna, Joint Director, Higher & Technical Education Department leh party hruaitu ten an tawiawm a, tukin zing khan Lunglei panin Saiha a chhuahsan leh ta a ni.
Minister hnenah hian S.S.A., Saiha chuan Darkhuang an pe a, hemi zawhah hian Minister chuan M.A.D.C. hruaitute, Officials, Tlawmngai pawlte leh school hotute kawmna hun a hmang zui a, harsatna an tawh hrang hrangte Minister hnenah hian an thlen a ni.
Minister hi Aizawl lam atangin Pu H. Rohluna, Joint Director, Higher & Technical Education Department leh party hruaitu ten an tawiawm a, tukin zing khan Lunglei panin Saiha a chhuahsan leh ta a ni.
