Vawiin khan Education Minister Pu Lalsawta chuan Students' Outlook chanchinbu in Mizoram Higher Secondary sikul hrang hrangte Board Exam a an tih that dan an zirchianna atanga School Ranking 2011 an siam chu a lawmman semna programme Vanapa Hall-a an buatsaih a hmanpui.
Pu Lalsawta chuan hetianga a a vawikhatna atana Sikul tha tehna siam chu tha a tih thu sawiin a buatsaihtute chunga lawmthu a sawi a. Minister hian zirlai kalkhawmte chu an zirlai te 'vaki thiam' a thiam mai lovin, thinglung atanga hriatna nena thiam tura a fuih bakah an zirna chu a taka hmang tangkai turin a chah bawk a ni.
Minister hian hmanlai leh tunlai zirna khawvel a in an lo zia chanchin te sawiin tunlai naupang in lehkha zirna kawnga remchanna tha tak tak an neih chu hmang tangkai a, an hun zawng zawng chu an zirna atan pe thin turin a fuih a ni.
He School Ranking ah hian School hrang hrangte chu candidate an ngah dan a zir in Arts leh Science subject a Category pathum ah an then a; Commerce subject ah chuan Category pahnih ah an then ve thung a. Category hrang hranga Sikul tih tha hnenah Minister hian lawmman a hlan a ni. He lawmman semna programme hi Pu Laldawngliana, Chairman MBSE in a hmanpui bawk a ni.
Attachment
- Loading attachment...
