'India & World Science : Are We There?' tih thupui hmanga State Level Students Science Seminar vawi 30-na chu vawiin khan Chanmari YMA Hall-ah Education Minister Pu Lalsawtan a hawng. He inelna hi Science Promotion Wing SCERT leh Birla Industrial & Technological Museum Kolkata te tangkawp ten sikul naupang pawl sawm chin tan an buatsaih a ni.
Pu Lalsawta chuan tunlai India ramin hmasawnna hrang hrang an neih avanga Ram ropui te zingah chhiar kan ni ve chu Science rahchhuah a ni tiin Science tel lova kan nitin khawsak dan phung chu kan suangtuah phak a ni lo a ti. Tun hmalama Mizo zirlai ten Science leh Mathematics chu subject har leh hlauhawm a an ngaih thin chu zir nuam zawka Pu A. Sawihlira (L) in a lo buatsaih chu ropui tiin Science Promotion Wing SCERT thawhrimna rah a nih thu a sawi.
He inelna ah hian District paruk - Aizawl, Lunglei, Kolasib, Champhai, Saiha leh Serchhip atang in zirlai sawm pahnih an tel a. Ziaka inelna an neih hnuah Zirlai te hian Power point presentation hmangin thupui sawizau na hun a hmang a, chumi hnu chuan endiktu ten zirlai te chu zawhna an zawt zui ta a ni. He inelna a pakhatna, pahnihna leh pathumna te chu - Lalzikpuii St. Pauls H/S Aizawl, Christopher Lalthazuala St. John's H/S Kolasib leh P.C. Lalhmangaihzuala Presbyterian Church English Medium School, Zotlang, Champhai District te an ni.
He inelna a pakhatna Lalzikpuii St. Pauls H/S Aizawl chu National Level Students Science Seminar October ni 8 a Vishveswariya Technological Museum Bangalore a neih turah Mizoram aiawhin a tel ang.
State Level Students Science Seminar hi Mizoram ah hian kum 1979 atang khan neih tan niin National Level ah hian Mizoram atanga zirlai telte chuan tum hnih lai lawmman an lo dawng tawh a ni.
Pakhatna, phahnihna leh pathumana te hian lawmman pawisa fai Rs. 5,000/- ,Rs. 4,000/- leh Rs. 3,000/- an dawng a. Hemi bakah hian zirlai tel te hnenah Rs.1000 theuh pek an ni. Education Minister Pu Lalsawta leh Zoram Educational Foundation te chuan pakhatna Lalzikpuii hnenah hian pawisa fai Rs. 3000 an pe ve ve a ni.
He inelna ah hian District paruk - Aizawl, Lunglei, Kolasib, Champhai, Saiha leh Serchhip atang in zirlai sawm pahnih an tel a. Ziaka inelna an neih hnuah Zirlai te hian Power point presentation hmangin thupui sawizau na hun a hmang a, chumi hnu chuan endiktu ten zirlai te chu zawhna an zawt zui ta a ni. He inelna a pakhatna, pahnihna leh pathumna te chu - Lalzikpuii St. Pauls H/S Aizawl, Christopher Lalthazuala St. John's H/S Kolasib leh P.C. Lalhmangaihzuala Presbyterian Church English Medium School, Zotlang, Champhai District te an ni.
He inelna a pakhatna Lalzikpuii St. Pauls H/S Aizawl chu National Level Students Science Seminar October ni 8 a Vishveswariya Technological Museum Bangalore a neih turah Mizoram aiawhin a tel ang.
State Level Students Science Seminar hi Mizoram ah hian kum 1979 atang khan neih tan niin National Level ah hian Mizoram atanga zirlai telte chuan tum hnih lai lawmman an lo dawng tawh a ni.
Pakhatna, phahnihna leh pathumana te hian lawmman pawisa fai Rs. 5,000/- ,Rs. 4,000/- leh Rs. 3,000/- an dawng a. Hemi bakah hian zirlai tel te hnenah Rs.1000 theuh pek an ni. Education Minister Pu Lalsawta leh Zoram Educational Foundation te chuan pakhatna Lalzikpuii hnenah hian pawisa fai Rs. 3000 an pe ve ve a ni.
