Vawiin chawhma dar 10:30 khan Saikuti Hall, Lunglei ah pawl 10 leh pawl 12 passed zinga titha zual mi 63 te tan HPC Lunglei chuan Cash incentive award a buatsaih a. He hunah hian Education Department enkawltu Minister Pu Lalsawta chu khuallian a ni a. Education Minister hi khual zahawm Pu Joseph Lalhimpuia, Vice Chairman, HPC Lunglei leh Pu V.Sapchhunga, IAS, Deputy Commissioner Lunglei te bakah Pu Zochungnunga, Director, Higher & Technical Education Department leh Pu Lalhmachhuana RMSA leh SSA a State Project Director ten an tawiawm a ni.

Education Minister chuan Education chu mihring puitlinga min chhuahtu leh min ti hmasawn tu atana hmanraw tangkai ber te zinga mi a ni a. He hi Mizoram Sawrkar pawn a hriat chian en avangin kan state sum tam ber leh kan theihna zawng zawng a hmang a. Zirlai ten hei hi an hriat chian a ngaiin an hlawhchham thianglo a ni, a ti. Nakin lawk ah tuna zirlai te hi Mizoram hmasawnna leh ropui na a tan thawktu tur te an nih avangin an hma ah hian taima tur leh thawkrim a ruihhlo leh rilru lapeng thei thildang laka fihlim tumna an neih angai a. Chu chu an tana chona lianber a ni, a ti. Thusawitu dang HPC Vice Chairman Pu Joseph Lalhimpuia chuan tunlai khawvel a thiam thiam, taima fal leh tumruh te dinchan na ah hian zirna a pass ringawt leh degree neih teuh ringawt a tawk tawh lova. Taima fal leh tuarchhel te a ngaih thu a sawi. Internet, Social Media, Phone leh Entertainment hman nasat hi zirlai te tan thil pawi tak a ni tih hre reng turin zirlaite chu a chah bawk a ni.

He incentive Cash Award atan hian High Powered Committee, Lunglei chuan ` 1 lakh. sem ral a nih thu a tarlang a, heng zirlai ti tha zual 63 thlan chhuah zingah hian Mizoram puma HSLC exam result chhuak ta a 5 - na leh 6-na te bakah HSSLC exam result chhuak ta a Science Stream bika 6-na te an tel a ni.