3715/2022-2023
Aizawl 28th February 2023: 
Nimin 27.2.2023 (Thawhtanni) khan Information & Communication Technology (ICT), SCERT, School Education Department,  Govt. of Mizoram chuan Edutech Festival 2023 a buatsaih a, Festival hawnna hi SCERT Compound tualzawlah neih a ni.  He hunah hian Dr.Lalzirmawia Chhangte, I.A.S., Secretary, School Education Department a ni. Chief Guest hi School Education hnuaia Officer hrang hrangin an rawn tawiawm bawk a ni.

A hawnna hun hi Pi Laldawngliani Chawngthu, Director SCERT in a kaihruai a, kalkhawmte lawmna thu sawina hun a hman zawhin Pi Lalrinpuii, Deputy Director, SCERT in Edutech Festival, 2023 report a pe. Chief Guest Dr Lalzirmawia Chhangte, I.A.S. hnen atangin Edutech Festival 2023 hawnna thuchah tha tak ngaihthlak a ni a, Chief Guest hian Fast Changing Technology khawvel ah kan awm tawh a, nitina kan khawsakna leh kan thil mamawh zawng zawng hi Technology in a control vek tawh a, kan duh emaw duh lo emaw, helama ke kan pen hi a tul em em a, nimin programme kha bul tanna tha tak niin he Festival hi zirlaite leh zirtirtu ten an hlawkpui hle dawn a ni a ti.

Programme tawp ber ah lawmthu sawina (Vote of thanks) hmangin Dr.A.Lalchhandami Fanai, Joint Director, SCERT chuan Edutech Festival hawnna inkhawm hun hi a khar ani.

Edutech Festival in a tum te :
• A bul berah chuan virus lengin zirna a nghawng a, kan duh emaw duh lo emaw online-a zirna kalpui loh theih loh hun a lo awm a, traditional method of teaching atanga modern teaching technology kan hman a ngaihzia kan hmuhin he programme - Edutech Festival hi neih tura buatsaih tumna hi a lo piang chhuak a ni.
• Tin, NEP 2020 in ICT Integrated Teaching & Learning te, Teacher Professional Development-te a rawn dah pawimawh a, Education-ah Technology hman tangkai a ngai zual zel a, zirtirna leh school management lamah te pawh hmasawnna kan neih phah ngei beiseiin he festival hi buatsaih a ni.
• Zirna tihhmasawn nan technology hman theih dan inkawhhmuhnate, Information & Communication Technology-ah hma kan lo sawn tawh a, hmabak engnge kan neih tih min entirtu turte (Tech Bodies) chu hengte hi an ni :

1. Mizoram State e-Governance Society
2. Mizoram Scholarship Board
3. Cyber Crime Police Station
4. NIELIT, Aizawl
5. Reliance Jio Infocomn Ltd.
6. Buannel Studio Pvt. Ltd.
7. Lailen Consulting Pvt. Ltd.
8. Netrsurf Internet Service
9. Special Education Cell, SCERT
10. Science Promotion Wing (SPW), SCERT
11. Information & Communication Technology (ICT), SCERT


Attachment

  • Loading attachment...