4917/2025-2026
Kolasib, dated 19th March 2026 : District Civil Supplies Officer, Kolasib District chuan a hnuaia mi ang hian Eirawngbawlna Gas, Petrol, Diesel renchem tur leh harsatna awmloh nana District mipuite hriattur pawimawh hriattirna a chhuah.
No. I.21011/1/2020-DCSO(K)/: Tunlai khawvel Geo politics avangin mipuite eirawngbawlna Gas, Petrol leh Diesel a harsatna an tawh loh nan India Sawrkar chuan theihtawp in hma a la reng a, State Sawrkar pawhin mipuiten harsatna an tawh loh nan hma a la reng bawk a ni. Hetih rual hian a hnuaia point hrang hrang kan rawn tarlan te hi mipuiten zawm hram tum tur a ni.
1. Eirawngbawlna Gas a ren thei ang ber a hman tur a ni a. Kan mamawh aia tam lak khawl loh tur a ni. In lakkhawl ven nan sawrkar in hriattir na a siam angin Gas booking hi Gas kan lak ni atanga chhiar a ni 25 (sawmhnih panga) hnu ah chauh booking tih leh theih a ni.
2. Eirawngbawina Gas, Petrol leh Diesel zawrh chhawn/a black a zawrh leh chheprelh hi dan in a khap tlat a ni. Hetiang a inhnamhnawih kan hriat chuan thuneitute hnenah report thin tur a ni.
3. Tun dinhmun ah eirawngbawlna gas, diesel leh petrol ah harsatna emaw tlakchhamna a awm lova, mipuite phili buai lo tur leh thu belhchian dawl lo thehdarh lo turin kan in ngen a. Chutih rualin heng kan sawi tak-Gas, Petrol leh Diesel te hi renchem taka hmang theuh turin kan in ngen a ni.
