No.226/2020-2021

Vawiin khan SDO (C) Conference Hall, Vairengteah Safety Measures on Import of Fruits and Vegetables chungchangah COVID-19 Medical Operation Team ten ruahmanna an lo siam tawh angin Vairengte a eitur him zawk a lakluh dan tur leh COVID-19 a Task Force duty te invenna kawng a hriattur pawimawh hrang hrang inhrilhhriatna hun neih a ni a. He inrawnkhawmna pawimawh tak hmang tur hian Aizawl atangin Pu HD Lalrintluanga, Joint Director, Commerce & Industries Department leh Covid-19 Medical Operation Team atangin Dr John Zohmingthanga, Deputy Medical Superintendent, Civil Hospital, Aizawl leh Dr Joel L Pautu, Health & Family Welfare Board member te an kal a. Pu Lalrinsanga Ralte, bialtu MLA Vairengtea lo awm sa chuan he hun hi a hmanpui bawk a ni.

Safety Measures on Import of Fruits and Vegetables leh Task Force duty te invenna invenna kawnga inzirtirna sawi hawngtu Pu Lalrinsanga Ralte, bialtu MLA chuan Vairengte chu Mizoram mipui mamawh tam zawk chawk luh mekna hmun pawimawh tak a nih avangin Village Level Task Force a duty te hi hri dona a hmatawngtu pawimawh tak an ni, a ti a. Covid-19 hri lak a fimkhur dan tur te, a inkaichhawn dan te leh lirthei leh bungrua endikna kawng a thil hriat tur pawimawh tak tak te inhrilhhriatna hun Covid-19 Medical Operation Team ten an rawn buatsaih chu lawmawm a tih thu a sawi a. Ramri hrul a duty ngawrh tak a kalpui te himna tur atan a thil pawimawh tak a nih avangin tangkai tak a thiamna an lo ken te chu hmang tangkai turin a chah nghal bawk a ni. MLA Pu Lalrinsanga Ralte hian Serlui bial chhung Assam ramri dep a awm khua Saihapui 'V', Phainuam, Saiphai, Phaisen , Buhchangphai te tlawh kualin an harsatna leh mamawh te a hmunah a enpui nghal a ni.

Sawrkar tirha kal Official te atangin thusawina hun ngaihthlak chhunzawm a ni a. He hunah hian Pu HD Lalrintluanga, Joint Director, Commerce & Industries Department chuan Mizoram chu NGO hrang hrang te inpekna avangin Village Level Task Force tha tak a kalpui mek a ni chu ram dang te aia kan vanneih bikna a ni, a ti a, VLTF te hmalakna nasa tak avangin Covid-19 hri darh tur venna pawh sawt tak a kalpui a nih thu sawiin lawmthu a sawi nghal bawk a ni.

Dr John Zohmingthanga, Deputy Medical Superintendent, Civil Hospital, Aizawl chuan Mizoram ah ram pawn atanga COVID-19 hri kai pakhat hmuhchhuah tawh atangin vanneihthlak takin midang kaichhawng an la awm loh thu a sawi a. COVID-19 hrileng inkaichhawn theih dan, eitur leh bungrua sawngbawl kawng a fimkhur dan te leh a hri kai a a lan chhuah dan tlangpui inhrilhhriatna hun a hmang a. Hriattur tul te hriat leh tha tak a zawm chu he hri darh tur venna kawng pawimawh tak a nih thu a sawi lang bawk a ni.

Dr Joel L Pautu pawhin Mask leh Glove hmanna hun leh hmun te, a vuah dan tur dik te leh Personal Protective Equipment hak hun tur leh ha tu tur te, a hak dan tur te inzirtirna hun a hmang bawk a ni.

Inzirtirna hun hi SDO (C) Conference Hall, Vairengte ah leh Forest IB, Vairengteah te neih a ni a. Village Level Task Force member thahnem tak an tel a ni.

Attachment

  • Loading attachment...