Vawiin chawhma dar 11:30 khan Saikuti Hall, Lungleiah Industry Sector hnuaia NLUP 3rd Phase, 3rd and Final Installment chu Lunglei khawpui chhunga cluster hrang hrang – Lunglei East, Lunglei North, Lunglei South leh Lunglei West cluster-a NLUP beneficiary-te hnenah tanpuina sem a ni. Pu Joseph Lalhimpuia, Parliamentary Secretary, Commerce & Industries Department chuan khuallian niin he tanpuina sem inkhawm hi a hmanpui.

Pu Joseph Lalhimpuia, Parliamentary Secretary chuan NLUP dawngtu kalkhawmte hnenah fuihna thu sawiin “Eizawnna hi keimahni kutah a in nghat a, Sawrkarin a vil reng thei dawnlo che u a, chuvang chuan eizawnna ngelnghet nei turin NLUP tanpuina hmangin thahnemngai taka in thawh a ngai ” a ti. Parliamentary Secretary chuan Lunglei khawpui chhungah Department hrang hrang kaltlangin hmasawnna ruhrel lian tham atan ruahmanna siam mek a nih thu sawiin development huapzau tak (all round development) neih hi sawrkar thil tum ber anih thu kalkhawmte a hrilh a. Lunglei bazar pui Sobji Bazar chu NEDP hnuaia thuam that a nih tur thu leh Lunglei khawpui chhunga mirethei chenna in neilote tana a thlawna insak sak tura ruahmanna fel tak sawrkarin a siam tawh thu a sawi bawk. “Hmasawnna nei tur chuan zirna lamah theihtawpa tan kan lak a ngai” tiin Pu Joseph Lalhimpuia chuan vawiin NLUP tanpuina dawngtu kalkhawmte chu zirna lam pawh ngai pawimawh turin a chah bawk.

He hunah hian Pu Lalmalsawma, Secretary, Finance Department pawhin thu sawiin NLUP chu sawrkar laipui leh Mizoram sawrkarin a ngai pawimawh takzet a ni, a ti a. NLUP tanpuina dawngtu hlawhtling tak ni tur chuan sawrkar tanpuina a nihna tur taka hman a tul thu sawiin, taima tak leh thahnemngai taka an tanpuina dawn hmang tangkai turin NLUP beneficiaries kalkhawmte a fuih a ni.

Vawiin NLUP tanpuina sem inkhawm hi Pu Lalhmunsiama, General Manager, District Industries Centre (DIC) in kaihruaiin Pu F. Lalsawmliana, IPO-in technical report a pe a. Pu Zothankhuma, Commissioner, Commerce and Industries Department pawh he inkhawmah hian telin Pu Zathangliana, Lunglei District NLUP Coordinator-in lawmthu sawiin huntawp a khar a ni.  

Vawiina NLUP tanpuina sem zawng zawng hi Rs. 1,67,63,460 niin beneficiary 568 an awm a, trade hrang hrang 13 thlangtute an ni. Hetiang hi cluster hrang hranga sem dan a ni: