Eklavya Model Residential School (MRS) zirtirtute leh hna thawktute nawrh chu Newspaper leh All India Radio a puanchhuah chungchangah Social Welfare Department chuan thil awmdan chiang zawk a tarlan a ngaih avangin thil awmdan dik tak hetiang hian thu chhuah an siam a ni :

Eklavya Model Residential School hi Ministry of Tribal Affairs, Govt. of India atanga Article 275 (1) of the Constitution atanga fund hmuh a kalpui a ni a. Social Welfare Department hi Nodal Department a ni. Tunah hian Lunglei District, Lunglei Eklavya Model Residential School hi Mizoram a awmchhun a la niin, Serchhip District atan Eklavya Model Residential school hi din leh thuai tura hma lak mek a ni.

Lunglei Eklavya Model Residential School hi January, 2008 atanga function tan niin, District Level Standing Committee, Deputy Commissioner, Lunglei Chairman-na hnuaiah tluang taka kalpui a ni. State Level Board of Director hian Eklavya Model Residential School kalphung, zirtirtute lak chungchang leh overall management mawhphurhna la in, fel fal taka a tul ang zel a hma lak mek a ni.

Eklavya Model Residential School kalphung (revised norm) hi kum 2010-2011 chhung hian Rs. 34.00 lakhs atanga Rs. 63.00 lakhs a pun tak avang hian State Level Board of Directors for Management of Tribal Residential School, 19th August, 2011 a thukhawm chuan revised norm a kalpui a nih tak avanga Principal leh zirtirtute leh a thawk dangte hlawh pawh ennawm a, a tul anga rawtna te pawh siam a thehlut tura Principal Eklavya Model Residential School pawh mawhphurhna pek a ni a. Hemi rawtna pawh hi Govt. ah thlen a ni tawh in, Board of Directors meeting hmasa ber a hlawh chungchang ennawm tura ruahmanna siam a nih lai reng a hetia Eklavya Model Residential School Staff Welfare ten nawrh hial an lo huaihawt hi sorkar chuan pawi a ti em em a. An harsatna hi ngaihtuah thuai a, chinfel vat tum a ni.