Election Office, Lunglei chuan vawiin khan MP Election 2014 kaihhnawih Hriattirna hrang hrang hetiang hian a chhuah a ni :

Election duty atana ruat reng reng chu ruat an nih atangin Election Commission of India-a deputation-a lut an ni. Chuvangin, duty tura ruat an nihnaah tha taka thawk tura beisei an ni. Training tura koh an nih veleh kal ngei tura ngaih an ni bawk. Duty ti tha duh lote chu Representation of People Act, 1951 hmanga an chungah ‘action’ lak tur a ni ang.

Lunglei, Saiha leh Lawngtlai tana Election Expenditure Observer Pu L.Hangsing, IA&AS chu vawiinah Lunglei thleng tura beisei a ni a. Amah be duhte tan Mobile No.9612514656-ah biak theih a ni ang a, amah hmu duh tan Daisy Room, Lunglei Circuit House-ah office hun chhungin hmu thei a ni ang. Polling Parties Training : MP Election 2014-a duty tur Polling Party-te tan hetiang hian Training dan tur ruahman a ni - 1). Ni 28.3.2014 chawhma dar 10:30 leh ni 4.4.2014 chawhma dar 10:30-ah te hian Saikuti Hall-ah PRO leh APRO te tan

2). Ni 29.3.2014 chawhma dar 10:30-ah hian Saikuti Hall-ah 2nd & 3rd Polling Officer-te tan

3). Ni 1.4.2014 chawhma dar 10:30-ah Saikuti Hall-ah Booth Level Officer (BLO) te tan.

Election duty-a kal tur zawng zawng ten an duty-na hmuna vote an thlak ve theih nan Election Duty Certificate (EDC) dil tur a ni a. A dilna Form hi Postal Ballot Facilitation Centre, DC’s Office, Lunglei-ah lakchhuah theih a ni. Polling Party training hunah pawh EDC hi a dil theih ang.

Sector Officer/Magistrate leh Election-related Officials te tan ni 29.3.2014 chawhma dar 10:00-ah DRDA Conference hall, Lunglei-ah VVPAT Training nei tur a ni. Ni 28.3.2014-ah hian Bharat Electronics Ltd (BEL) Engineer ten DC’s Conference Hall, Lunglei-ah VVPAT First Level Checking rawn an nei dawn bawk a ni.