Vawiin chawhma khan ATI Conference Hall-ah nithum awh tur ‘Training for Trainer & Facilitator’, election inbuatsaihna atana training buatsaih a ni a. Election Commission of India (ECI) bultumin India International Institute of Democracy and Election Management (IIIDEM) atangin trainer pahnih Dr. Puja Sareen leh Kumaridevi Mishra ten zirtirna an pe a ni.

Training hawnnah hian Addl CEO Pu Krishna Mohan Uppu chuan MLA election hlawhtling taka neih a ni chu lawmawm a tih thu sawiin a hlawhtlinna atana hah taka thawktute chu chhuanawm a tih thu a sawi a. Kalkhawmte hnenah chuan ECI kaihhruaina ngai pawimawh turin a chah a. Election Officer (EO), Presiding Officer (PO),Returning Officer (RO), Assistant Returning Officer (ARO) leh election buatsaihnaa mi pawimawh tak tak ten an hnathawh tur an hriatchian hle a ngai a ni, a ti a. Election chungchanga zawhfiahna tur helpline hmang tangkai turin mipuite hrilhhriat that a pawimawh thu a sawi a. MLA election atanga zirtur hrang hrang a tarlang a. Election atana tha taka inbuatsaih turin duhsakna a hlan nghal a ni.       

Training hi kan hma lawka thleng tur MP election atana inbuatsaihna niin leadership leh motivational training a tel a.State leh District Level Master Trainer 20 vel an kalkhawm a ni.