434/2025-2026

Aizawl, 2^nd May, 2025 : Election Commission of India (ECI) chuan thuchhuah siamin electoral roll siam kawnga mumal zawka hmalak a nih theihnan ruahmanna thar 3 a siam a. Heng ruahmanna tharte hi kumin March thlaa Chief Election Commissioner (CEC) Gyanesh Kumar hova Chief Electoral Officers (CEOs) Conference an neih tuma rawtna awm bawhzuina a ni.

Ruahmanna tharah chuan Registration of Electoral Rules, 1960 hnuaia Rule 9 leh Registration of Births & Deaths Act, 1969 (as amended in 2023) hnuaia Section 3(5)(b) tlawhchhanin ECI hian Registrar General of India hnen atang data pawimawh online in a la direct tawh ang. Hei hian Electoral Registration Officers (EROs) ten a hun takah rang taka mitthi registered te an hriat zung zung theih phah beisei a ni. Hetih rual Booth Level officers (BLOs) ten Form 7 hmanga dilna lut an nghah kher ngai lova re-verification awlsam zawka an tih  theih phah beisei a ni  bawk.

Voters te tan samkhai zawka Voter Information Slip (VIS) an hman tangkai theih zawk nan VIS design siam that a ni a. Voters te serial number leh part number chu hmuh awlsam zawk nan chiang taka tarlan niin a font size pawh tihlen a ni. Hei hian voters ten an polling station awlsam zawka an hriat theih nan leh polling officials ten electoral roll-a voters te hming an hmuh zung zung theih phah beisei a ni.

ECI chuan Representation of the People Act, 1950 hnuaia Section 13B(2) kaltlanga ERO ten BLO an ruat te tan standard photo identity card siam turin thupek a chhuah bawk a, hei hi BLO ten voter verification leh registration an kalpui huna khua leh tui ten awlsam taka BLO te an hriat a, ngaihngam taka an dawr theihna tura duan a ni. BLO ten house-to-house visit an neih huna mipuiten awlsam taka na lo chhinchhiah a, an lo hriat theih phah nana tih a ni bawk.